UEFA Konfrans Liqasındakı təmsilçilərimizdən Sabah 3-cü təsnifat mərhələsində Serbiyanın Partizan klubu ilə üz-üzə gələcək. Xatırladaq ki, Avrokuboklarda debüt edən komandamız ilk 2 oyununda qələbə qazanıb. Latviyadan qalib qayıdan Sabah Bakıda da rəqibindən üstün olmuşdu. Bu dəfə isə rəqib Avrokuboklarda zəngin təcrübəyə malik Serbiya komandasıdır: “Bizi çox çətin və maraqlı oyun gözləyir. Bütün gücümüzü ortaya qoyaq. Azarkeşlərimizi sevindirmək üçün əlimizdən gələni edəcəyik. Rəqibimizi yaxşı təhlil etmişik. Güclü tərəflərindən biri sürətli hücuma keçməsidir. Fərdi olaraq da yaxşı çıxış edirlər. Bir-birilərini gözəl başa düşürlər. Zəif cəhətləri haqqında isə danışmaq düzgün olmazdı.Ehtiyatlı olmalıyıq, "Partizan"ın gücünü bilirik. Lakin özümüzə inanırıq”.
Xatırladaq ki, Bakıda keçiriləcək Sabaj – Partizan oyunu saat 20-də başlanacaq.